I wohn in Winterstetta ond do isch ells ok
Blos so ohne Gaada ischs halt it so schee
Drom denk i so bei mir , des muass doch it so sei
Ond während i so überleg, do fallt mir au was ei
Refr:
I klapp mein Gaada aus ond hock a bissle naus, do han i a Freid
I klapp mein Gaada aus ond hock a bissle naus, es isch Klappgaadazeit
I klapp mein Gaada aus ond hock a bissle naus, do han i a Freid
I klapp mein Gaada aus ond hock a bissle naus, es isch Klappgaadazeit
Mei Gaada isch was bsonders, des saget elle Leit,
ond wenn i dann mol neihogg, hand se so a Freid
Se gugged ond se lached, des isch bestimmt dr Neid,
weil’s so´n scheena Gaada, halt koi zwoitsmol geit
Refr.
I brauch bloss an Kunschtrasa, an Zaun, an Lieagestuhl
Dazua no an scheena Sonnaschirm, jo dees isch cool
Bloss dia baar Sacha brauch i zom glücklich sei
so hock i in mein Gaada , ond fühl mi oifach frei
Refr.
Ond goht dr Dag zuende, klapp i ells wieder zamm
Weil i sott ja dr Platz, fir mei Auto hann
Und scho froget d Leit, wann klappsch dr Gaada wieder aus
I sag, i woiss it, mr wird seha, ond gang zruck ins Haus
Refr:
Text und Melodie: Peter Springer
copyright by Peter Springer